ქურდებმა Bentley Continental GT მოიპარეს და ჭიშკარი გაამტვრიეს
სპორტულ აგენტს სახლის ეზოდან Bentley მოჰპარეს.
უსაფრთხოების კამერებმა გადაიღო, როგორ იპარავდნენ Bentley Continental GT-ს სამხრეთ ფლორიდას ცნობილი სპორტული აგენტის დრიუ როზენჰაუსის სახლიდან.
ვიდეოში ჩანს, როგორ იჭრებიან ქურდები როზენჰაუსის საკუთრებაში. ერთ-ერთი ქურდი Continental GT-ში ჯდება. ავტომობილს ძრავს. ავტომობილი უკუსვლას იწყებს და ჭიშკარს ეჯახება.
Bentley-ს კარი დაკეტილი არ იყო. გასაღებიც შიგნით იდო.
„ვიდეოში ნათლად ჩანს, როგორ იჭრებიან სახლში და იპარავენ ავტომობილს. უკან 2-ადამიანი Mercedes-Benz-ით ჭიშკარში გადის. მიხარია, რომ ცნობილი ვარ და ამ ამბავზე ყურადღების მიპყრობა შემიძლია. მაიამის პოლიციამ მითხრა, რომ ასეთი რამ ხშირად ხდება“, - ამბობს როზენჰაუსი.
როზენჰაუსის თქმით, მას და მის შვილებს სახლში ეძინათ, როცა მისი Bentley მოიპარეს. სპორტულმა აგენტმა პირდაპირ ქურდებს მიმართა:
„ყველაფერს გავაკეთებ თქვენს დასაჭერად. არასწორ ადამიანს დაუპირისპირდით. თქვენ არასწორ ადამიანს, არასწორ ოჯახსა და არასწორ სამეზობლოს ებრძვით. ჩვენ თქვენ დაგიჭერთ“.
