აშშ-ში საწვავის ფასმა ახალი რეკორდი დაამყარა...

ამერიკის შეერთებულ შტატებში ავტომფლობელებისთვის აგვისტო საკმაოდ მძიმე აღმოჩნდა: საწვავის ფასებმა წლის ამ პერიოდისთვის ისტორიულ მაქსიმუმს მიაღწია. AAA-სა და Bloomberg-ის მონაცემებით, აგვისტოს განმავლობაში რეგულარის ტიპის საწვავის საშუალო ფასმა გალონზე 4 დოლარს (დაახლოებით $4.03–$4.14) გადააჭარბა, ხოლო დიზელის საშუალო ფასმა $5.40-ს მიაღწია.

Petroleum Research-ის ექსპერტების განცხადებით, აშშ-ის ისტორიაში 12 აგვისტოს შემდეგ საწვავის ეროვნული საშუალო ფასი $4-იან ნიშნულს ზემოთ არასდროს დაფიქსირებულა. 2026 წლის აგვისტო ოფიციალურად დასახელდა ყველაზე ძვირადღირებულ აგვისტოდ საწვავის ბაზრის დაკვირვების ისტორიაში, რამაც გადაასწრო 2022 წლის რეკორდულ მაჩვენებლებს.

ექსპერტები ფასების ზრდას რამდენიმე ძირითად გეოპოლიტიკურ და ლოჯისტიკურ ფაქტორს უკავშირებენ: პირველი ჰორმუზის სრუტის კრიზისია — ახლო აღმოსავლეთში არსებული დაძაბულობისა და ჰორმუზის სრუტეში ნავიგაციის შეფერხების გამო, სადაც მსოფლიო ნავთობის მიწოდების 20% გადის, ნავთობის მსოფლიო ფასები ბარელზე $100-ს გადასცდა. გარდა ამისა, აშშ-ში საწვავის რეზერვები ბოლო წლების მინიმუმამდე დაეცა. ბოლოს კი, გასათვალისწინებელია სეზონიც — ასეთ დროს მოთხოვნა ყველაზე მაღალია.

ფასები შტატების მიხედვით

ფასების მკვეთრი კონტრასტი ფიქსირდება შტატებს შორისაც — კალიფორნიაში მძღოლებს გალონ საწვავში საშუალოდ $5.64–$5.65-ის გადახდა უწევთ (ზოგიერთ რეგიონში $6.00-საც აჭარბებს). მას მოსდევს ჰავაი ($5.41) და ვაშინგტონის შტატი ($5.27). შედარებით დაბალი ფასები კი ინდიანასა ($3.44–$3.46) და ტეხასში ($3.63) ფიქსირდება.

EIA-ს პროგნოზით, საწვავის ფასების კლება უახლოეს კვირებში ნაკლებადაა მოსალოდნელი, სანამ ახლო აღმოსავლეთში მიწოდების ჯაჭვები არ და სტაბილურდება და ნავთობის მოპოვება არ გაიზარდება. ექსპერტები ვარაუდობენ, რომ ბაზრის დარეგულირება და ფასების შედარებითი ვარდნა მხოლოდ შემოდგომის მიწურულს ან მომავალი წლის დასაწყისშია მოსალოდნელი.