აშშ-ის პირველი პირი: ელექტრომობილების მძღოლებს დამუხტვის „დაავადება“ სჭირთ

ამერიკის შეერთებული შტატების პირველმა პირმა ლას-ვეგასში სიტყვით გამოსვლისას ელექტრომობილების მძღოლები გააკრიტიკა და თქვა, რომ მათი „შეშფოთებები EV-ის დამუხტვასთან დაკავშირებით“ „დაავადებას“ ჰგავს. Red Rock Resort-ში მიმართვისას, ტრამპმა კიდევ ერთხელ თქვა, რომ მისი ადმინისტრაციის პირობებში „ელექტრომობილების მანდატი“ დასრულდა, მაშინ, როდესაც წინა ადმინისტრაცია ამერიკელებს დროის მოკლე პერიოდში ელექტრომობილებზე გადასვლას აიძულებდა.

ასევე დაგაინტერესებთ: პრეზიდენტის ლიმუზინის და ესკორტის საიდუმლო ფუნქციები

აშშ-ის პირველი პირის განცხადებით, ელექტრომობილების მძღოლები მაშინაც კი ნერვიულობენ, როდესაც ბატარეა დაახლოებით 75%-ითაა დამუხტული და, ამის მიუხედავად, დასამუხტი სადგურის ძებნას იწყებენ. სწორედ ამ ქცევას უწოდებს ის „დაავადებას“.

თუმცა, რეალურად, ელექტრომობილებით გადაადგილებას გარკვეული შეზღუდვები მართლაც ახლავს თან. მაგალითად, EV-ებმა შესაძლოა დამატებითი პრობლემები შექმნას იმ პირებისთვის, რომელთაც სახლში ელექტრომობილის დამუხტვის შესაძლებლობა არ აქვთ. ასევე, იმ მძღოლებისთვის, რომელთაც ხშირად უწევთ გადაადგილება სასოფლო დასახლებებში ან ნაკლებად განვითარებული ინფრასტრუქტურის მქონე რეგიონებში.

ამავდროულად, სპეციალისტები აღნიშნავენ, რომ თანამედროვე ელექტრომობილების შემთხვევაში, მაშინ, როდესაც ბატარეა 75%-ზეა, არანაირი საჭიროება არ არსებობს მისი დასამუხტად. მათთვის კი, ვინც ავტომობილს ყოველდღიურად სახლში მუხტავს, ეს ერთ ჩვეულებრივ ყოველდღიურობადაა ქცეული.

აშშ-ის პირველი პირის ინფორმაციით, აშშ-ში ელექტრომობილების გაყიდვები საერთო ბაზრის დაახლოებით 7%-ს შეადგენს. თუმცა, Kelley Blue Book-ის უახლესი მონაცემებით, 2026 წლის მეორე კვარტალში ეს მაჩვენებელი 5.8% იყო. მიუხედავად ამისა, ექსპერტები თანხმდებიან, რომ ბოლო პერიოდში ელექტრომობილებზე მოთხოვნა შემცირდა, რაც ნაწილობრივ ფედერალური საგადასახადო შეღავათის გაუქმებასაც უკავშირდება.