იბრას უიშვიათესი Ferrari-ის ორი მოდელი | როგორია ზლატანის არარეალური სუპერქარების კოლექცია?
ლეგენდარულმა შვედმა ფეხბურთელმა, ზლატან იბრაჰიმოვიჩმა, თავისი არარეალური სუპერქარების კოლექცია წარადგინა და დასასრულს, $10 მილიონის ღირებულების Ferrari-ის მოდელების ფონზე გადაღებული რამდენიმე ფოტოც გაავრცელა.
იბრაჰიმოვიჩი, თავისი სხვა კოლეგების მსგავსად, ავტომობილების დიდი მოყვარულია და წლების განმავლობაში საკულტო მოდელების საოცარი კოლექციაც დააგროვა. მათ შორის Ferrari Enzo-სა და Ferrari LaFerrari-საც შევხვდებით. რეალურად, იტალიური ბრენდი ზლატანის ავტოფარეხის უმეტეს ნაწილს იკავებს და ამის ჩვენებას შვედი ნამდვილად არ ერიდება.
View this post on Instagram
Enzo არის სუპერქარი, რომელიც დღემდე ბევრი ავტოენთუზიასტისთვის ყველა დროის საუკეთესო Ferrari-ად მიიჩნევა. კაპოტის ქვეშ მძლავრი 6-ლიტრიანი V12 ძრავით კი, Enzo წარმოუდგენელ 650 ცხენის ძალას გამოიმუშავებს. მართალია, ეს მაჩვენებელი დღევანდელ თანამედროვე სუპერქარებთან შედარებით დაბალია, მაგრამ Enzo-ს აქვს ის, რაც მას თანამედროვე გიგანტებზე წინ აყენებს. ამ მოდელის ძრავის შექმნისას F1-ის ტექნოლოგიაა გამოყენებული, რომლის დახმარებითაც მოდელი მაქსიმალურ სიჩქარეს 330 კმ/სთ-ზე აღწევს.
რაც შეეხება LaFerrari-ის, მის შემთხვევაშიც ჰიბრიდული სისტემის განსავითარებლად F1-ის მანქანებიდან მიღებული KERS-ტექნოლოგიაა გამოყენებული. კაპოტის ქვეშ კი 6.3-ლიტრიანი V12 იმალება, რომლის მთლიანი სიმძლავრეს 950 ცხენის ძალას აღწევს.
ეს ყველაფერი არ არის. იბრაჰიმოვიჩის ავტოფარეხში უიშვიათეს Ferrari-ებთან ერთად რამდენიმე სხვა ცნობილი სუპერქარიც ინახება. მათ შორისაა F80, სრულიად ახალი სუპერქარი, რომელიც ფეხბურთელმა საჩუქრად დაბადების დღეზე მიიღო. ასევე Monza SP2, ლიმიტირებულ გამოშვების მანქანა, ღია სახურავით, რომელიც 4.5-ლიტრიანი V12-ით 799 ცხენის ძალას გამოიმუშავებს.
ზლატანის კოლექციაშია: Daytona SP3, 812 Competizione, SF90 Spider, SF90 XX Spider, ასევე Ferrari-ის მიერ წარმოებული პირველი SUV-იც, Ferrari Purosangue. უნდა აღინიშნოს, რომ SF90 XX Spider-იც არანაკლები ურჩხულია, რომელიც 1 000 ცხენის ძალას გამოიმუშავებს. თავისუფლად შეგვიძლია ვთქვათ, რომ იბრას, თავის ავტოფარეხში Ferrari-ის პატარა სადილერო აქვს გახსნილი.
